V Міжнародны пленэр ганчароў

           Заяўка 2016    Application 2016    

2016_Гарадная копия

Запрашаем прыняць удзел у V Міжнародным пленэры ганчароў у вёсцы Гарадная Столінскага раёна Брэсцкай вобласці!

 Вёска Гарадная Столінскага раёна Брэсцкай вобласці славутая сваім ганчарным промыслам, які бярэ пачатак у XV стагоддзі. Першае літаратурная згадка пра Гарадную адносіцца да 1448 года. У мінулым Гарадная мела статус мястэчка і валодала Магдэбурскім правам і ўласным гербам. У пачатку XX стагоддзя ганчарным промыслам Гарадной займалася больш за 200, а ў 1920 – 1930-я гады – каля 500 сем’яў.

 Сёння вёска Гарадная – цэнтр сельскага савету. Тут засталося 4 апошніх патомных ганчара з дынастыі Кісялёў, Басаўцоў, Мірановічаў. Усё яны людзі вельмі сталага ўзросту, нарадзіліся ў канцы 1920-х, на пачатку 1930-х гадоў. Зусім нядаўна перарвалася дынастыя ганчароў Шэлестаў. Майстры з’яўляюцца носьбітамі традыцыйных для Гарадной рамесных ведаў і навыкаў, сакрэтаў тэхналогіі апрацоўкі матэрыялу, мастацкіх прыёмаў стварэння ганчарных формаў і іх апрацоўцы. Старэйшае пакаленне гарадзенцаў захоўвае таксама ўнікальную мясцовую гаворку, якую лінгвісты лічаць вельмі старажытнай, памяць вуснай гісторыі пра асаблівасці жыцця ў Гарадной у ХХ стагоддзі і формы гандлю ганчарным посудам, а таксама шмат чаго іншага.

З канца 1990-х гадоў шэраг захадаў па падтрымцы гарадняскага промыслу зрабілі ўстановы культуры Брэсцкай вобласці.

У 1997г. Брэсцкі абласны грамадска-культурны цэнтр падрыхтаваў відэафільм аб ганчарстве Гарадной “Кола жыцця”.

У 2003 годзе па рашэнні Столінскага райвыканкама ў Гарадной быў створаны Цэнтр ганчарства. Ён размешчаны ў памяшканні Гараднянскага сельскага Дома культуры. Тут рамяству навучаюцца мясцовыя школьнікі, якім ганчарную справу выкладаюць патомныя ганчары.

         З 2008 года ў Гарадной па ініцыятыве Брэсцкага абласнога грамадска-культурнага цэнтра праводзяцца Міжнародныя пленэры ганчароў, якія маюць мэту прыцягнення ўвагі грамадскасці да праблемы захавання і патрымкі гэтага ўнікальнага ганчарнага цэнтру. Ужо адбылося чатыры пленэры, у якіх прынялі ўдзел майстры-ганчары з дванаццаці краін свету. Гэта – Беларусь, Украіна, Швецыя, Данія, Польшча, Літва, Латвія, Грузія, Арменія, Малдова, Расія, Узбекістан. За гэтыя гады ў Цэнтры ганчарства сабрана вялікая калекцыя ганчарных і керамічных вырабаў, якія могуць стаць падмуркам для будучага музея ганчарства.

У 2016 годзе плануецца правядзенне V Міжнароднага пленэру ганчароў. Шчыра запрашаем!

(Умовы і форма заяўкі на беларускай, расейскай і ангельскай мове дадаюцца.)

Добавить комментарий

Ваш e-mail не будет опубликован. Обязательные поля помечены *