Абласны клуб майстроў народнай творчасці “Скарб” быў створаны ў 2001 годзе пры адзеле традыцыйнай культуры Брэсцкага абласнога грамадска-культурнага цэнтра. Ён аб’яднаў майстроў розных жанраў і відаў дэкаратыўна-прыкладнога мастацтва з розных куткоў Брэсцкай вобласці. Натхнёныя народным мастацтвам незнаёмыя людзі сталі сябрамі, якіх з’яднала любоў да творчасці. Галоўная мэта стварэння клуба – імкненне яго удзельнікаў да захавання традыцыйнай культуры. Салома і лозапляценне, бондарства і разьба па дрэве, ганчарства і кераміка, ткацтва і вышыўка, роспіс па шкле і выцінанка захоўваюцца і папулярызуюцца на рознаўзроўневых мерапрыемствах. За час існавання “Скарба” была праведзена вялікая праца: наладжаны шэраг выстаў і майстар-класаў па аднаўленню рэдкіх знікаючых рамёстваў, праведзены шматлікія семінары і канферэнцыі, атрыманы шматлікія ўзнагароды.
Геаграфія удзельнікаў клуба ахоплівае ўсе рэгіёны Брэсцкай вобласці, мы ганарымся сваімі каранямі і працуем каб услаўляць сваю Брэстчыну!
Удзельнікі клуба “Скарб”:
Кіраўнік клуба - Марына Сяргееўна Сёмышава
