З 2015 года на Брэстчыне праходзіць абласны песенны форум “З любоўю да песні”. Форум аб’яднаў абласны фестываль вакальна-харавога мастацтва “Ляці, наша песня”, свята духоўнай музыкі “Песнь Песняў”, свята-конкурс партыятычнай песні і іншыя песенныя мерапрыемствы, якія традыцыйна праходзілі ў вобласці з 1995 года. У дні форума праходзяць конкурсныя праграмы дзіцячых і дарослых вакальна-харавых калектываў, салістаў-вакалістаў з народнай і акадэмічнай манерай выканання, выканаўцаў патрыятычнай песні. Упрыгожваннем песеннага форума з’яўляюцца выступленні зводных хароў, у якіх спяваюць больш за 600 спевакоў-аматараў.
